Rústað

Sviðssetning
Leikfélag Reykjavíkur

Staðsetning
Borgarleikhúsið, Nýja svið

Frumsýning
29. janúar 2009

Tegund verks
Leiksýning

Þrjár manneskjur á venjulegu hótelherbergi. Áður en nóttin er liðin hefur herbergið umbreyst í vígvöll þar sem myrkustu hliðar mannsins eru afhjúpaðar. Sjaldan eða aldrei hefur verið fjallað um ofbeldi á jafn vægðarlausan hátt. Þrátt fyrir það er það í raun hin ófullnægða þrá eftir hlýju, mýkt og mannúð sem drífur persónur verksins áfram. Við verðum að upplifa í huganum helvíti til að geta forðast að lenda þar í raun og veru. Rústað er stríðið, sem við erum vön að fylgjast með úr öruggri fjarlægð í gegnum fjölmiðlana, komið inn í stofu til okkar.

Þegar Rústað var frumsýnt árið 1995 olli það hálfgerðu uppþoti í leikhúsheiminum, svo sterk voru viðbrögðin. Gagnrýnendur ýmist féllu fram í tilbeiðslu eða reittu hár sitt yfir þessu fyrsta leikriti hinnar ungu og frökku Söruh Kane sem féll síðan fyrir eigin hendi langt fyrir aldur fram. Borgarleikhúsið er fyrst íslenskra leikhúsa til að sviðsetja verk Söruh Kane og í kjölfar frumsýningar á Rústað verða öll hin leikrit hennar flutt í sviðsettum leiklestrum. Kristín Eysteinsdóttir hlaut Grímuna sem leikstjóri ársins árið 2008 og setur nú upp sitt fyrsta verk sem fastráðinn leikstjóri við Borgarleikhúsið.

Höfundur
Sarah Kane

Þýðing
Guðrún Vilmundardóttir

Leikstjóri
Kristín Eysteinsdóttir

Leikari í aðalhlutverki
Ingvar E. Sigurðsson

Leikkona í aðalhlutverki
Kristín Þóra Haraldsdóttir

Leikari í aukahlutverki
Björn Thors

Leikmynd
Börkur Jónsson

Búningar
Börkur Jónsson

Lýsing
Þórður Orri Pétursson

Hljóðmynd
Frank Hall
Jakob Tryggvason