Allir þeir sem vilja að verk þeirra komi til greina til tilnefningar til Grímunnar, Íslensku sviðslistaverðlaunanna verða að fylla út þar til gert eyðublað. Þá er átt við öll sviðslistaform, dansverk, útvarpsverk, barnaleikhúsverk og sviðsverk.
Tekið hefur verið upp skráningargjald vegna tilnefninga til Grímunnar. Gjaldið er í tveimur flokkum:
Flokkur 1:
Sviðssetning lengri en 60 mínútur – 25.000kr
Flokkur 2:
Styttri sviðsetning 59 mínútur eða skemmri – 15.000kr
Tilnefni sami framleiðandi fleiri en 7 verk er ekkert greitt fyrir umfram verk. Samstarfsverkefni falla ekki undir þá reglu og aðilar skulu koma sér saman um hver sér um greiðslu.
Greiðslufyrirkomulag:
Um leið og sá sem tilnefnir skráir sýningu inn á vefsetur ber viðkomandi aðila að senda tölvupóst til stage@stage.is með staðfestri ósk um skráningu. Fyrirhuguð lengd verks, nafn og kennitala greiðanda verður að koma fram. Í kjölfarið verður stofnuð krafa í heimabanka viðkomandi. Um leið og krafan er greidd er skráning staðfest og verkið birtist á heimasíðu Grímunnar.