Kirsuberjagarðurinn
Kirsuberjagarðurinn
Sviðssetning
Borgarleikhúsið
Leikfélag Reykjavíkur
Sýningarstaður
Borgarleikhúsið, Stóra svið
Frumsýning
28. október 2011
Tegund verks
Leiksýning
Það eru breyttir tímar. Ný kynslóð er tekin við og sú eldri þráast við að opna augun fyrir þeim breytingum sem eru yfirvofandi. Eftir fimm ára fjarveru snýr Ljúbov Ranévskaja heim á ný. Býli hennar ásamt víðfrægum kirsuberjagarði rambar á barmi gjaldþrots vegna mikilla skulda og yfirvofandi er uppboð á eigninni.
Fjölskyldan hefur eytt um efni fram án þess að leiða hugann að morgundeginum – enda lömuð af minningunni um fegurð og gleði æskuáranna. Lopakhín reynir að opna augu fólksins sem honum þykir svo vænt um fyrir breyttum tímum og vandanum sem steðjar að. Er hægt að höggva niður kirsuberjatrén?
Á meðan fjölskyldan forðast að taka á vandamálunum, kynnast áhorfendur öllu þessu grátbroslega fólki, dætrunum Vörju og Önju, þjónustufólkinu, starfsfólki og vinum fjölskyldunnar. Öll eiga þau drauma og þrár, sumir þrá fortíðina á meðan aðrir eiga sér von um nýtt og betra líf. En öll dreymir þau um ástina – meira að segja Lopakhín.
Kirsuberjagarðurinn er síðasta og mest leikna leikrit Antons Tsjekhovs (1860– 1904). Verkið er af mörgum talið eitt besta leikverk allra tíma, angurvært stórvirki þar sem gaman og alvara vegast listilega á. Leikstjórinn Hilmir Snær hlaut Grímuverðlaun fyrir síðustu uppsetningu sína, Fjölskylduna, sem gekk tvo vetur fyrir fullu húsi í Borgarleikhúsinu.
Höfundur
Anton Tsjekhov
Þýðing
Árni Kristjánsson
Leikstjórn
Hilmir Snær Guðnason
Leikarar
Guðjón Davíð Karlsson
Hallgrímur Ólafsson
Pétur Einarsson
Rúnar Freyr Gíslason
Theodór Júlíusson
Valur Freyr EInarsson
Þröstur Leó Gunnarsson
Leikkonur
Alexía Björg Jóhannesdóttir
Birgitta Birgisdóttir
Elma Lísa Gunnarsdóttir
Ilmur Kristjánsdóttir
Sigrún Edda Björnsdóttir
Leikmynd
Halla Gunnarsdóttir
Búningar
Halla Gunnarsdóttir
Lýsing
Björn Bergsteinn Guðmundsson
Tónlistarstjórn
Sigtryggur Baldursson
Tónlist:
Leifur Jónsson, Óttar Sæmundssen, Sigtryggur Baldursson
