A Thousand Tongues

Heiti verks
A Thousand Tongues

Lengd verks
50 mínútur

Tegund
Sviðsverk

Um verkið
Þúsund tungur – A thousand tongues
– Hið óræða haf sem skilur tvo heima

Í lok september n.k. verður sýnt á sviði Tjarnarbíós verkið A Thousand Tongues sem er í senn tónleikar og leiksýning. Myndir og tilfinningar lifna við á sviðinu í gegnum hefðbundna tónlist frá öllum heimshornum í flutningi dönsku söng-, leik- og tónlistarkonunnar Nini Juliu Bang, sem túlkar verkið á einstakan hátt. Nini syngur á tíu ólíkum tungumálum enda endurspeglar verkið margra ára ferðalag hennar um ólíka menningarheima landa á borð við Íran, Spán, Mongólíu, Georgíu og Ísland. Leikhúsgestir eru leiddir inn í veröld varnarleysis, einangrunar og hins óþekkta.

Leikstjóri verksins, hin bandaríska Samantha Shay, sótti innblástur í rödd Bang við sköpun dularfulls heims þar sem hljóð, vatn og ljós mætast á töfrandi hátt. A Thousand Tongues var heimsfrumsýnt á Ólympíumóti í leiklist sem haldið var í pólsku borginni Wroclaw, menningarhöfuðborg Evrópu 2016 og verður nú sýnt á Íslandi en aðeins tvisvar; þann 29. september og 1.október.

Sviðssetning
Sýninguna framleiðir alþjóðlegi listahópurinn Source Material en þetta er í annað sinn sem hópurinn sýnir á sviði Tjarnarbíós. Source Material heimsfrumsýndi óperuna of Light í Tjarnarbíói sumarið 2016 en sú sýning fékk mikla athygli þar á meðal frá Björk Guðmundsdóttur sem lofaði sýninguna í viðtali við The Guardian.

Frumsýningardagur
29. september, 2017

Frumsýningarstaður
Tjarnarbíó

Leikskáld
Nini Julia Bang

Leikstjóri
Samantha Shay

Danshöfundur
Samantha Shay

Tónskáld
Nini Julia Bang

Hljóðmynd
Nini Julia Bang

Lýsing
Nicole Pearce

Leikmynd
Source Material

Leikkonur
Nini Julia Bang

Söngvari/söngvarar
Nini Julia Bang

Dansari/dansarar
Nini Julia Bang

Vefsíða leikhóps/leikhúss eða aðrir tenglar
www.sourcematerialcollective.com/