Finnski hesturinn

Finnski hesturinn

Sviðssetning
Þjóðleikhúsið

Sýningarstaður
Þjóðleikhúsið, Stóra sviðið

Frumsýning
15. október 2010

Tegund verks
Leiksýning

Bráðfyndið tragíkómískt verk um snargeggjað fjölskyldulíf og átök hins rótgróna og nútímans, hins þjóðlega og alþjóðlega í Evrópu á tímum breytinga.

"Sólin skein í heiði, gufan steig hljóðlega upp af skítahaugnum og ég hugsaði mér mér að máður hlyti einhvernveginn að geta losnað við Brussel."

Á bóndabæ í afskekktri sveit í Finnlandi er sambýlinu þannig háttað að faðirinn og móðirin eru fráskilin, en hafa ekki efni á því að flytja í sundur. Faðirinn fær að búa í einu herbergi á bænum, með eina hillu í ísskápnum, og þegar vel liggur á öðrum fjölskyldumeðlimum má hann fá kærustuna sína í heimsókn.

Tannhvöss amma nuddar móðurinni sífellt upp úr því að hafa klúðrað lífi sínu með því að hafa fyrir löngu setið fyrir nakin á sauna-dagatali, uppkominn sonurinn á allt til að vera mótórhjólatöffari nema hjólið og unglingsdóttirin “væntir mjög mikils af lífinu, bæði hvað varðar kærasta, föt, partý, kynlíf og annað sem gefur lífinu gildi”.

Í þessari sveit er rótgrónum atvinnu- og lífsháttum ógnað af hinum fjölmörgu kröfum og væntingum nútímans, – og ekki síst flóknu reglugerðaverki Evrópusambandsins. Þegar syninum tekst að fá föðurinn með sér í það leynimakk að safna saman nokkrum aflóga hestum í sveitinni, og selja þá á fæti til ítölsku mafíunnar, fer af stað aldeilis kostuleg atburðarás.

Finnski hesturinn hefur notið gífurlegra vinsælda frá því leikritið var frumsýnt í Finnlandi árið 2004 og hefur verkið verið leikið í fjölmörgum uppsetningum þar í landi, og jafnframt verið sýnt í Evrópu og Bandaríkjunum. Höfundurinn er ein af þekktustu leikhúskonum Finnlands sem leikstjóri og leikskáld, og hefur hún skrifað tvö framhaldsleikrit um hinar vinsælu persónur verksins.

Finnar og Íslendingar eiga ýmislegt sameiginlegt - ekki síst það að þykja vænt um hestinn sinn!

Höfundur
Sirkku Peltola

Þýðing
Sigurður Karlsson

Leikstjórn
María Reyndal

Leikkona í aðalhlutverki
Ólafía Hrönn Jónsdóttir

Leikarar í aukahlutverkum
Jóhannes Haukur Jóhannesson
Kjartan Guðjónsson

Leikkonur í aukahlutverkum
Harpa Arnardóttir
Lára Sveinsdóttir
Þórunn Arna Kristjánsdóttir
Þórunn Lárusdóttir

Leikmynd
Ilmur Stefánsdóttir

Búningar
Margrét Einarsdóttir

Lýsing
Lárus Björnsson

Tónlist
Pierre-Alain Giraud